سفیر الحب

یعیرنی الولف بانی ابهوی اقصور

الطمع بالحب حرام او طبعه خنّاس

من هو الباع بخته ابذهب و انقود

او من هو الیفدی حبّه الخاطر الناس

الهده ورده او بناه هادیله چلوات

ما یدرینی نجمه او رافع الراس

الذهب و المال چسوه وانا غنعان

اتاذیت ابکلامه اعلی السدر داس

ما یحتاج تجبرنی اعلی اعز نوم

تدز بالنار صوبی او تحرگ احساس

شوگک ما ثبت مد او جزر بیه

لا تمّن صداقه او بیهه ندّاس

لان حسیت گلبک بیته من طین

محبتک ما تدوم او بیهه وسواس

اذا ناوی تحب گرّب للعیون

غرورک ما یهمنی انبلعه لا باس

لا تزعل اذاک امنیدک الجاک

القوه امن العزم ساس ابطن ساس

اذا حبّک لطیف او یشتل احلام

احس بیه گبلک ابّطن الگلب حاس

جاسم ثعلبی (الحسّانی) 21/05/1399